मुम्बई । बलिउड कयौं सुन्दर अभिनेत्रीले भरिएको छ । यहाँका केही अभिनेत्री रिल र रियलमा पनि अभिनेतासँग  जोडी बनेका छन् । केही अभिनेत्री यस्ता पनि छन्, जसले फिल्मको निर्देशक जीवनसाथीका रुपमा रोजेका छन् । यी हुन् आफ्नै फिल्मका निर्देशकसँग विवाह गर्ने ६ अभिनेत्री ।

रानी मुखर्जी :

बलिउडकी सुन्दर अभिनेत्री मध्येकी एक हुन् रानी मुखर्जी । रानीले बलिउडका चर्चित निर्माता निर्देशक तथा यशराज फिल्मस्का मालिक आदित्य चोपडासँग बिवाह गरेकी हुन् ।  रानी र आदित्यले २०१४ मा प्रेम बिवाह गरेका थिए । 

श्रीदेवी : 

अभिनेत्री श्रीदेवीले पनि बलिउडका चर्चित निर्देशक बोनी कपुरसँग बिवाह गरेकी थिइन् । श्रीदेवीसँग बिवाह गर्न बोनीले पहिलो पत्नीसँग समेत डिबोर्स लिएका थिए ।

सोनाली बेन्द्रे:

अभिनेत्री सोनाली बेन्द्रेले पनि निर्माता निर्देशक गोल्डी बहलसँग बिवाह गरेकी छन् । १९९४ मा फिल्म ‘नाराज’को सुटिङ सेटमा दुबैले पहिलो पटक भेटेका थिए ।

सोनी राजदान:

पुरानी अभिनेत्री सोनी राजदान अहिलेकी अभिनेत्री आलिया भट्टकी आमा हुन् । उनले महेश भट्टसँग बिवाह गरेकी हुन् । सोनीसँगको बिवाह महेशको दोस्रो थियो । १९८६ मा दुबैले बिवाह गरेका थिए ।

कल्की केकलां:

अभिनेत्री कल्की केकलांले २०११ मा निर्देशक अनुराग कश्यमसँग बिवाह गरेकी हुन् । फिल्म ‘देव डी’को दौरानमा कल्की र अनुरागको प्रेम बसेको थियो । कल्कीले यसै फिल्मबाट अभिनयमा डेब्यु समेत गरेकी हुन् । अनुराग पहिल्यै बिवाहित भएकोले कल्कीसँग बिवाह गर्न पहिलो पत्नीलाई डिबोर्स दिएका थिए । तर दुबै २०१५ मा एकअर्काेसँग अलग भएका थिए ।

उदिता गोस्वामी :

अभिनेत्री उदिता गोस्वामी लामो समयदेखि फिल्म अभिनयबाट टाढा छिन् । ‘पाप’, ‘अक्सर’ र ‘जहर’ जस्ता फिल्ममा उदिताले काम गरेकी थिइन् । उदिताले निर्देशक मोहित सुरीसँग विवाह गरेकी हुन् । बिवाह अगाडी दुबैले ९ वर्ष एक अर्काेको डेटमा रमाएका थिए ।

बैसाख १७ काठमाडौं _ बलिउड अभिनेता इरफान खानको निधन भएको छ । ५४ वर्षीय खानको क्यान्सर रोगको उपचारका क्रममा मंगलबार राति निधन भएको भारतीय समाचारमाध्यम हिन्दुस्तान टाइम्सले जनाएको छ ।

स्वास्थ्य समस्या गम्भीर भएपछि उनलाई मंगलबार मुम्बईस्थित कोकिलावेन धिरुभाइ अम्बानी हस्पिटलमा आईसीयूमा भर्ना गरिएको थियो ।

गत वर्ष खान गम्भिर अस्वस्थ भएर लामो समय लन्डनमा उपचार गराई फर्केका थिए । त्यसबेला उनलाई न्यूरोइन्डोक्राइन ट्यूमर भएको थियो । लन्डनबाट फर्केयता उनी कोकिलाबेन अस्पतालका डाक्टरको निगरानीमा थिए । गत वर्ष उनले एउटै मात्र फिल्म ‘अंग्रेजी मिडियम’ मा काम गरेका थिए । सो फिल्ममा काम गर्दा पनि उनको अवस्था ठीक थिएन ।

खानकी आमा सईदा बेगमको पनि हालै मात्र निधन भएको थियो । लकडाउनको कारण इरफान आफ्नी आमाको अन्तिम यात्रामा पनि उपस्थित हुन सकेका थिएनन् । उनले भिडियो कलमार्फत आमाप्रति श्रद्धान्जली प्रकट गरेका थिए ।

कुशल अभिनयका लागि चिनिएका इरफानले सलाम बम्बे, मकबुल, पान सिंह तोमर, द लन्चबक्स, हैदर, गुन्डे, पिकु, तलभार लगायत फिल्ममा अभिनय गरेका छन् ।

उनको निधनमा बलिउड का कलाकारहरुले श्रद्धांजलि ब्यक्त गरेका छन ।

बैसाख १५ काठमाडौं – चीनबाट फैलन शुरु गरेको कोरोनाभाइरसका कारण अहिले विश्वका २ सय १० देशमा प्रभावित भइसकेका छन् । कोरोना रोकथाम र नियन्त्रणको लागि विश्वका धेरै देशमा लकडाउन गरिएको छ । लकडाउन हुँदा विश्वभरकै फिल्मी बजार ठप्प भएको छ । 

विश्वभर कोरोनाको महामारी हुँदा कोरोना बारे बिभिन्न गीत तथा भिडियोहरु पनि सार्वजनिक भइरहेका छन् । यस्तै अमेरिकी निर्देशक चाल्र्स ब्यान्डले कोरोना सम्बन्धि एक फिल्म बनाएका छन् । उनले बनाएको ‘कोरोना जाम्बिज’ नामको फिल्म कोरोना संक्रमणमाथि बनेको पहिलो फिल्म बन्ने भएको छ । यस फिल्मको हालै ट्रेलर पनि सार्वजनिक गरिएको छ । ट्रेलर निकै डरलाग्दो बनेको छ । 

यस फिल्ममा कोडी रेनी क्यामरुन, रसेल कोकर, रबिन सिड्नी लगायतका कलाकारको अभिनय रहेको छ । फिल्ममा कोरोनाबाट मानिस मरेपछि उसलाई जाम्बिज पात्र बनाइएको छ । यस फिल्म डरलाग्दो भएकाले निर्माण पक्षले अभिभावकको साथबाहेक एक्लै नहेर्न बालबालिकालाई अनुरोध गरेको छ । 

बैसाख ७ काठमाडौं _यति बेला कोरोनाको महामारीबाट बच्न देश लकडाउनको नीति अनुरुप सामाजिक दूरी कायम गरिरहेको छ । यसरी क्वारेन्टाइनमा घरभित्रै थुनिएर बसिरहेकाहरूमा सामाजिकीकरणको प्राण भर्न नेपाल ग्यालरी नामक सामाजिक संस्थाले भर्चुल “म्युजिक फर पिस” नामक कार्यक्रम सञ्चालन गर्ने भएको छ ।

जसमा सामाजिक सञ्जाल फेसबुकमार्फत् कलाकारहरूले आफ्ना प्रस्तुति दिनुका साथै दर्शकसँग कुराकानी पनि गर्ने छन् । “म्युजिक फर पिस” भर्चुअल प्रस्तुतिको पहिलो दिन आइतबार १ बजे फेसबुक लाइभमार्फत् क्वारेन्टाइनमा दर्शकलाई मनोरञ्जन दिन आउँदै छिन् गायिका शृङ्खला जोशी ।

गायिका जोशी हाल अस्ट्रेलियामा भएकीले कार्यक्रम १ बजे गरिए पनि दोस्रो दिनबाट भने हरेक दिन ४ बजे नेपाल ग्यालरीको अफिसियल फेसबुक पेज र ग्रुपबाट हेर्न सकिनेछ । 

यो साता गायिका शृङ्खला जोशी, नेपाल आइडल सिजन २ विजेता रबी ओड, नेपाल आइडल प्रतियोगी ममता गुरुङ, गायक टंक तिमिल्सिना, चेतन बोहरा, सुदीप साजन आदि कलाकारहरूको प्रस्तुति रहनेछ ।

कोरोना भाइरस संक्रमणको जोखिमका कारण सरकारले लकडाउन घोषणा गरेपछि घरघरमै थन्किएका सर्जक र सिर्जना प्रेमीमाझ यसको प्रभावकारिता देखिने विश्वास आयोजक टिमले राखेको छ ।

लकडाउनको बेला अधिकांशको समय व्यतीत गर्ने साधन सामाजिक सञ्जाल भएको छ । भौतिकभन्दा भर्चुअल संसार नै उनीहरूका लागि साथी बनेको छ । यसरी लामो समय लकडाउनमा बस्दा आलस्य र मानसिक तनाव नहोस् भन्ने हेतुले नेपाल ग्यालरीले त्यसलाई सिर्जनशील बनाउने प्रयास गरेको बताइएको छ ।
 

विश्वभर कोभिड १९ को महामारी फैलिएसँगै यसको नियन्त्रणको लागी र यसबाट पीडित विपन्न समुदायहरुको लागी नेपाली चलचित्र क्षेत्रबाट पनि सहयोग रकम जुट्न थालेको छ ।

कोरोना संक्रमणसँग लड्न सबैभन्दा धेरै आर्थिक सहयोग गर्ने कलाकार हुन् पल शाह । उनले दैनिक ज्यालादारीमा जीविकोपार्जन गर्ने चलचित्र प्राविधिकहरुको राहतका लागि ५ लाख १ हजार सहयोग गरेका थिए ।

चलचित्र निर्माता तथा छायांकार गौतम धिमालले पनि चलचित्र प्राविधिकहरुको लागी २ लाख २५ हजार बराबरको राहतको जिम्मा लिएका छन् । उनको सहयोगबारे चलचित्र प्राविधिक संघका अध्यक्ष पुष्कर लामाले आफ्नो फेसबुक पेजमार्फत खुलाएका छन् ।

निर्माता तथा निर्देशक श्री कृष्ण चापागाईंले चलचित्र प्राविधिकहरुको राहतका लागी १ हजार डलरसहयोग गरेका छन् । उनले उक्त रकम बराबरको राहत प्राविधिकहरु समक्ष पुर्याउन प्राविधिक संघका अध्यक्ष पुष्कर लामासँग सहकार्य गरेका छन् ।

हाँस्यकलाकार तथा निर्माता दीपकराज गिरीले पनि आफ्नो चलचित्र छक्कापन्जाको टिमसँग मिलेर रकम सहयोग गरेका छन् । उनले चलचित्र प्राविधिकहरुका लागि १ लाख २० हजार बराबरको खाद्यसामग्री चलचित्र प्राविधिक संघलाई बुझाएका हुन् । यससँगै हाल उनी अन्य फिल्मकर्मीहरुको सहयोग रकम संकलन गर्ने कार्यमा पनि सक्रिय रुपमा लागेका छन् ।

कलाकारहरुमा सबैभन्दा पहिले सहयोग रकम घोषणा गर्ने अभिनेत्री हुन् वर्षा सिवाकोटी । उनले कोरोना संक्रमणसँग बच्न र यसको रोकथाम गर्न नेपाल सरकारले खडा गरेको प्रधानमन्त्री राहत कोषमा १ लाख रुपैँयाँ सहयोग गरेकी थिईन् । यससँगै उनी लकडाउनमा घरबाहिर भोकै परेका जनावरहरुलाई खाना खुवाउने अभियानमा पनि सक्रिय रुपमा लागिरहेकी छिन् ।

अभिनेत्री प्रियंका कार्की र उनका श्रीमान अभिनेता आयुष्मान देशराज जोशीले पनि रकम सहयोग गरेका छन् । लकडाउनको समयमा सबैले मानव समस्या समाधान गर्न सहयोग गरिरहँदा प्रियंका र आयुष्मानले भने घरबाहिर भोकै रहेका जनावरहरुको खानाको लागि रकम सहयोग गरेका हुन् । उनीहरुले आफ्नो स्वामित्वमा रहेको एनजीओ ‘आयांका फाउन्डेशन’ मार्फत ‘एनिमल नेपाल’ नामक संस्थालाई १ लाख हस्तान्तरण गरेका थिए ।

अभिनेत्री वर्षा राउतले पनि चलचित्र प्राविधिकहरुका लागि ५१ हजार बराबरको खाद्य सामग्री वितरण गरेकी छिन् । निर्माता अर्जुन कुमारले पनि कोरोनासँग लड्न प्रधानमन्त्री राहत कोषमा ५० हजार रकम सहयोग गरेका छन् । कलाकार कृष्ण मल्लले प्राविधिकहरुका लागी ३० हजार रकम सहयोग गरेको जानकारी गराएका दिए । कलाकार पुष्कर राउतले पनि प्राविधिकहरुको सहयोगका लागि १५ हजार रुपैँया बराबरको राहत सहयोग गरेका छन् ।

यसैगरी फिल्मकर्मीहरु केकी अधिकारी , ऋचा शर्मा , नीता ढुंगाना, साकार पन्त, स्वस्तिमा खड्का, रमेश उप्रेती, अनुरागमान सिँह कुवर , गौरव पहारी, अनुप भट्टराइ, लक्ष्मण सुबेदी लगायत पनि प्राविधिकका लागी सहयोग गर्न सम्पर्कमा आएको बुझिएको छ ।

काठमाडौँ, २१ चैत । सन् २०२० मा बलिउडमा केही यस्ता फिल्महरु रिलिज हुने तरखरमा रहेका थिए जसले बक्स अफिसमा रेकर्ड ब्रेकिंग कमाई गर्ने अपेक्षा गरिएको थियो । तर, कोरोना भाइरसको महामारीका कारण बलिउडले पहिलो क्वाटरमा २५० करोड भारु गुमाएको छ ।

यो वर्ष सबैभन्दा राम्रो कलेक्सशन गरेको तान्हाजी फिल्मले हो । त्यसपछि रिलिज भएका फिल्महरुको कमाईमा भने विस्तारै कोरोनाको प्रभाव देखिएको फिल्म समिक्षकहरुले बताएका छन् ।

अब रिलिज हुने फिल्महरुलाई पनि कमाई गर्न निकै कठिन हुने फिल्म समिक्षकहरुले बताएका छन् । लामो समय लगाएर ठुलो बजेटमा निर्माण गरिएका फिल्महरु एक त रिलिज भएका छैनन् झन् बक्स अफिसमा फिल्मले नमिठो झट्का पाउने हो कि भन्ने चिन्ता पनि उत्तिकै रहेको छ ।

कोरोना भाइरसको महामारी फैलिएसँगै फिल्म हलहरु बन्द रहेका छन् । यसले बलिउडमा आवद्ध कलाकारहरुदेखि मजदुरहरुलाई ठुलो नोक्सानी भएको बताइएको छ ।

विश्वभर महामारीको रुपमा फैलिएको कोभिड १९ का कारण प्रायः सबैजसो सेल्फ क्वारेन्टाईनमा बसिरहेका छन् । जसमा कलाकारहरु पनि रहेका छन् । चलचित्रको छायांकन र प्रदर्शन ठप्प हुँदा सबै कलाकारहरु यतिबेला फुर्सदमा छन् । त्यसैले सबै कलाकारहरु फुर्सदिलो समयको आफ्नै ढंगले उपयोग गरिरहेका छन् ।

१ राजेश हमाल
महानायक राजेश हमाल यतिबेला सेल्फ क्वारेन्टाइनमा छन् । आफ्नो फुर्सदिलो समय पुस्तक पढी बिताईरहेका छन् । त्यस्तै उनी घरमै गर्न मिल्ने व्यायामहरु गर्ने गर्छन् । त्यससँगै आफ्नो सादा समयलाई रंगिन बनाउन उनी आफ्नी श्रीमतीलाई जिस्काउने, उनको लागि गीत गाउने र नाच्ने गर्छन् ।

२. वर्षा सिवाकोटी
अभिनेत्री वर्षा सिवाकोटी आफ्नो समय आफ्नो कुकुर डुकुसँग बिताउँदैछिन् । आफ्नो स्वास्थ्यलाई स्वस्थ राख्न उनी घरमै व्यायाम गर्नुका साथै रोग प्रतिरोधात्मक क्षमता वृद्धि गर्न भिटामिन सी सेवन गरिरहेकी छिन् । त्यस्तै उनी पुस्तक पनि पढिरहेकी छिन् भने आफैंले खानेकुरा पकाउदै दिन बिताई रहेकी छिन् ।

३. ऋचा शर्मा
अभिनेत्री ऋचा शर्मा आफ्नो फुर्सदिलो समय बगैंंचाको काममा बिताईरहेकी छिन् । क्वारेन्टाइनकै कारण आफूले फूलहरुलाई ध्यान दिन पाएकोमा खुशी भएको उनको भनाई छ । त्यस्तै बाँकि समय आफ्ना भान्जासँग खेल्ने, ध्यान गर्ने र पुस्तकहरु पढ्ने गर्दै उनी घरमा व्यस्त रहने कोसिस गर्दैछिन् ।

४. साम्राज्ञी आर एल शाह
अभिनेत्री साम्राज्ञी आर एल शाह आफ्नो समय आमासँग बिताईरहेकी छिन् । त्यससँगै आफ्नो समयलाई व्यस्त बनाउन उनी टिकटक बनाउनुको साथै परिवारसँग विभिन्न गेमहरु खेलेर र गीत गाएर बिताईरहेकि छिन् ।

५. आँचल शर्मा
भर्खरै विवाह बन्धनमा बाधिएकी आँचल शर्मा आफ्नो समय नयाँ घरमा नयाँ परिवारसँग बिताईरहेकी छिन् । श्रीमान् उदिपसँग मिलेर विभिन्न परिकारहरु बनाउने र घरमै बसी चलचित्र हेर्दै उनको दिन बितिरहेको छ ।

६. प्रियंका कार्की
अभिनेत्री प्रियंका कार्की यतिबेला श्रीमान् आयुष्मानसँग आफ्नो भैसिपाटीको नयाँ घरमा बिताईरहेकी छिन् । पुरै घरमा २ जना मात्र भएकोले उनीहरु दुवै मिलि विभिन्न परिकारहरु बनाउने र सरसफाई गर्ने गरिरहेका छन् । त्यससँगै प्रियंका आफ्ना विवाहका तस्बिरहरु पोस्ट गर्दै दिन बिताईरहेकी छिन् ।

७. नाजिर हुसैन
अभिनेता नाजिर हुसैन आफ्नो समय पुस्तक पढ्ने, गीत गाउने, टिकटक बनाउने र साथीहरुसँग अनलाईन अन्ताक्षरी खेल्दै बिताईरहेका छन् ।

८. परमिता आर एल राना
अभिनेत्री परमिता आर एल राना आफ्नो खाली समय नाच्ने र साथीहरुसँग अनलाईन च्यालेन्ज गेमहरु खेल्दै बिताईरहेकी छिन् ।

९. दीपकराज गिरी
कलाकार दीपकराज गिरी ३ महिनादेखि नै क्वारेन्टाइनमा छन् । आफ्नो आगामी चलचित्र छक्का पन्जा ४ को लेखनमा व्यस्त भएकाले ३ महिनादेखि बाहिर ननिस्केको उनको भनाइ छ । अहिले पनि उनी चलचित्र लेखनमै दिन बिताईरहेका छन् भने अरु समय टिकटक बनाउने र सामाजिक संजालमा सचेतना संदेश पोस्ट गर्दै बिताईरहेका छन् ।

१०. सुहाना थापा
केहि दिन अघिसम्म चलचित्र ए मेरो हजुर ४ को छायांकनमा व्यस्त भएकी अभिनेत्री सुहाना थापा अहिले आफ्नो खाली समय आमा झरना थापा र बुवा सुनिल कुमार थापासँग बिताईरहेकी छिन् । आफूलाई व्यस्त बनाउन उनी पुस्तक पढ्ने र भगवान श्रीकृष्णको पूजा आराधना गर्दै बिताईरहेकी छिन् ।