विपन्नको घर निर्माणका लागि भाइजान अफ वीरगंजको सहयोग

वीरगंज बाराको जितपुर सिमरा उपमहानगरपालिका ४ का एक विपन्न परिवारको घर निर्माणका लागि भाइजान अफ वीरगंजले सिमेन्ट सहयोग गरेको छ ।

सामान्य ओत लाग्ने पनि घर नभएको जानकारी आएपछि घर बनाउन सहयोग स्वरुप ति विपन्न परिवारलाई भाइजान अफ वीरगंजले सिमेन्ट सहयोग गरेको हो ।
उनीहरुको ६ जनाको परिवार सामान्य बोराले बेरबार गरेको कटेरोमा खुला आकाश मुनि बस्दै आएको थियो ।
भाइजान अफ वीरगंजले अहिले घर निर्माणका लागि २२ बोरा सिमेन्ट उपलब्ध गराएको जनाएको छ ।
वडा अध्यक्ष इश्वर खत्रीको उपस्थितिमा भुमिनन्द सिम्खडाको घर निर्माणका लागि सस्थाले सिमेन्ट उपलब्ध गराएको हो ।
घर निर्माणका लागि सहयोग अघि बढाएको भन्दै भाइजान अफ वीरगंजले उनीहरुको घर निर्माणमा सबैको सहयोगको आह्वान पनि गरेको गरेको छ ।
भाइजान अफ वीरगंजले विगत केही समयदेखि सामाजिक कार्यमा हात अघि बढाइरहेको छ ।