‘प्रेम गीत ३’ मा राजेश हमालको ठाउँ लिए शिव श्रेष्ठले

आइतबार आफ्नो सेड्युल नमिलेको भन्दै राजेश हमालले फिल्म गर्न नसक्ने आधिकारिक रुपमा जानकारी दिएसँगै उनको ठाउँमा एक समय उनकै प्रतिस्पर्धी अभिनेता शिव श्रेष्ठको प्रवेश भएको छ । ’ फिल्मको छायाँकन हुने बेलामा महानायक राजेश हमालको कार्यक्रम पर्न आएपछि उनी फिल्ममा हुन नसकेको निर्माता सेनको भनाई छ ।

चलचित्रमा यसअघि नवनायक मनिष राउत, स्वयं निर्माता तथा निर्देशक सन्तोष सेन, प्रेम पुरी, पुष्कर कार्की फाइनल भएका थिए । चलचित्रको मुख्य अभिनेता र मुख्य अभिनेत्री भने अहिलेसम्म फाइनल गरिएको छैन । गीत पात्र अडिसन मार्फत छान्ने काम भैरहेको छ । चलचित्रलाई छेतेन गुरुङ र सन्तोष सेनले निर्देशन गर्नेछन् ।