काठमान्डौमा  पिस्तोल आतंक रिभल्बरसहित २ जना पक्राउ

मंसिर ४  ,प्रहरीलाई प्राप्त  सूचनाको अधारमा बानेश्वर, कोटेश्वर र काँडाघारीको प्रहरी टोलीले भक्तपुरबाट काठमाडौं भित्रिने नाकाहरुमा चेकजाँच गरिरहँदा  मोटरसाइकलमा सवार दुई जना  तस्करहरुलाई रिभल्बर  सहिर प्रहरीले काठमाडौं महानगरपालिका ३२ जडिबुटी ढुंगेधाराबाट   नियन्त्रणमा लिएको छ । पक्राउ पर्नेमा सर्लाहीको लालबन्दी-३ का २७ वर्षीय मनपुरण चौधरी र भुवन परियार छन् ।

ज ११ प ४८६६ नम्बरको मोटरसाइकलमा सवार उक्त दुई तस्करको साथबाट  रिभल्बर सहित लागुऔषध नाईट्रभेट ट्याब्लेट ८४० वटा बरामद भएको महानगरीय प्रहरी परिसर टेकुका डिएसपी होमिन्द्र वोगटीले जानकारी दिए ।

काठमाडौं जिल्ला अदालतबाट लागुऔषध र हातहतियार मुद्दामा पाँच दिनको म्याद थप गरी अनुसन्धान गरिरहेको प्रहरीले जनाएको छ ।