गाउँ फर्कन चाहनेहरुलाई भोलि र पर्सि काठमाडौं उपत्यका बाहिर जान दिइने

काठमाडौं । गाउँ फर्कन चाहनेहरुलाई भोलि र पर्सि काठमाडौं उपत्यका बाहिर जान दिइने भएको छ । उपप्रधान तथा रक्षामन्त्री ईश्वर पोखरेलको नेतृत्वमा बसेको बैठकले यस्तो निर्णय गरेको हो ।

लकडाउन लम्बिएपछि मानिसहरु हिडेरै काठमाडौंबाट बाहिर जाने क्रम बढेको छ । साथै आपूर्तिमा समस्या आउन सक्ने सम्भावनालाई मध्यनजर गर्दै सरकारले यस्तो निर्णय गरेको हो ।

लामो दुरीको रुटमा सरक्षाकर्मीले स्कटिङ गरेर लैजानेछन भने छोटो दुरीको हकमा कसरी लैजाने भने गृहमन्त्रालयले योजना बनाउँदै रहेको भौतिक पूर्वाधार तथा यातायात मन्त्रालय स्रोतले जनाएको छ । यो अवधि काठमाडौं उपत्यकाभित्र आउन भने पाइने छैन ।