लक डाउनका कारण आजको चैती छठ पनि प्रभावित हुने

हिन्दू कैलेंडर  अनुसार, हिन्दू नववर्ष को  पहलो  महीना  चैत्र को  शुक्ल पक्ष की षष्ठी तिथि मा पनि छठ पर्व मनाउने गरिन्छ ,  यस कारण यसलाई  चैती छठ भनिन्छ । यस बर्ष को छठ कोरोना को कारण खुला रुपमा मनाऊँन पाउने छैन ‘ सरकारले लक डाउन गरेका कारण आजको चैती छठ पनि प्रभावित हुने भएको छ । चैती छठकों आवस्यक समान पनि यस पाली प्रयाप्त मात्र मा उपलब्ध हुन सकेका छैनन ।

पर्वमा आज सोमबार नदी वा पवित्र जलाशयमा पुगेर अस्ताउँदा सूर्यलाई अघ्र्य दिने विधि घरघरै गरिने तयारी देखिएको हो । पर्वको मुख्य दिन आज निराहार ब्रत बसेर साँझ अस्ताउँदा सूर्यलाई अघ्र्य दिने विधि ‘सझुका–अरख’ सम्पन्न गरिने तयारी छ ।

पर्वकै बेला संसारभरि नै कोभिड–१९ (कोरोना भाइरस) को सन्त्रास छाएको हुँदा सरकारले यसको सङ्क्रमण बढ्न नदिन ‘लक डाउन’ जारी गरेको बेला पर्वका विधि क्वारेन्टाइनमा रहँदै घरघरै सम्पन्न गर्न लागिएको हो । सूर्यदेबको उपासना गरिने यो पर्व उमङ्ग र उल्लासमय वातावरणमा मनाइने परम्परा रहँदै आएपनि यसपाली कोभिड–१९ को सङ्क्रमण बढ्न नदिन क्वारेन्टाइनभित्रै घरकै धारामा स्नान र अघ्र्य दिइने ब्रतालुले बताएका छन् । छठमा पवित्र जलाशयमा घाट सजाउने काम यसपाली ‘लकडाउन’ले नहुने भएको हो ।

आज अस्ताउँदा सूर्यलाई अघ्र्य दिएर भोलि सप्तमीका दिन बिहान उदाउँदा सूर्यलाई अघ्र्य दिएपछि पर्व सम्पन्न गरिने छ । यसअघि पर्वको पहिलो दिन गत शनिबार ‘नहाय–खाय’, दोश्रो दिन आइतबार दिनभरि उपवास बसेर राती सख्खरमा पकाइएको खिरमात्र खाएर ‘खरना’ विधि ब्रतालुले सम्पन्न गरिसकेका छन् ।

शरद र बसन्त ऋतुमा गरि वर्षमा दुईपटक मनाइने छठ सूर्य उपासनाको पर्व हो । शरद ऋतुमा कात्तिक शुक्ल चौथीदेखि सप्तमीसम्म र बसन्त ऋतुमा चैत शुक्ल चौथीदेखि सप्तमीसम्म समान विधिले यो पर्व सम्पन्न गरिन्छ ।

छठ पर्वमा ठकुवा, भुसुवा (कसार¬)सहितका मिष्टान्न परिकारसहित पाकेका केराको घरि र अन्य फलपूmल तथा दहीसहितका सामग्री ब्रतालुले अघ्र्यका बेला सूर्यतर्फ देखाउने गर्छन् । चैती छठजस्तै चैत शुक्ल प्रतिपदासँगै शुरु भएको बासन्ती नवरात्र (चैते दशैं) पनि यसपाली सुनसान देखिएको छ ।

किन मनाउने गरिन्छ  छठ ?

छठ पूजामा  महापर्व सूर्य देव को  उपासना को  लागि यो पर्व  मनाउने गरिन्छ यो पर्व गर्नाले  परिवारलाइ सूर्यदेव को आशीर्वाद प्राप्त हुने । संतान सुख र  संतान को  सुखद भविष्य को लागि   चैती छठ को  व्रत रखा गर्ने गरिन्छ  ।