चन्द्रमापछि कृत्रिम सूर्य बनाउँदै चीन

कार्तिक / गत महिना कृत्रिम चन्द्रमा बनाउने घोषणा गरेको चीनले त्यसको केहि समयमै कृत्रिम सूर्य बनाइरहेको खुलासा गरेको छ। विज्ञानको क्षेत्रमा अन्य मूलुकलाई पछिपार्न चीनले बारम्बार नयाँ प्रविधिको विकास गरिरहेको छ।सोही क्रममा चीनले गत महिना कृत्रिम चन्द्रमा बनाउने घोषणा गरेको थियो। मंगलबार चीनको ‘हेफी इन्स्टीच्यूट अफ फिजिकल साइन्स’ संस्थाले कृत्रिम सूर्य निर्माणको प्रगतिबारे जानकारी गराएपछि विश्वभर यस विषयले चर्चा पाएको छ। कृत्रिम सूर्य बनाउने अवधारण सहित चिनियाँ वैज्ञानिकहरु सन् २००६ देखिनै यस कार्यमा लागी परेका थिए। यसबाट बाट स्वच्छ उर्जा उत्पादन गर्न सकिने वैज्ञानिकहरुले बताएका छन्।

कृतिम सूर्यको तापक्रम १० करोड डिग्री सेल्सियस सम्मको हुने जनाइएको छ। यस कृतिम सूर्य सन् २०२० मा चन्द्रमा आकाशमा राखिने अवधारणभन्दा भिन्न छ। कृतिम सूर्यबाट संकलन भएका उर्जाले लाखौं मानिसलाई विजुलीको सुविधा दिने बताइएको छ। द ग्लोबल टाइम्स र सिसिटिभीका अनुसार कृतिम सूर्यको अवधारणा स्वच्छ उर्जा उत्पादनको विकासका लागि हो।

उर्जा उत्पादन गर्ने क्रममा वातावरण प्रदुषण हुने खतरा यसको विकासबाट टर्ने वैज्ञानिकहरुले विश्वास लिएका छन्। एजेन्सी