प्रधानमन्त्रीले कोरोनाभाइरसबारे अपरान्ह सम्बोधन गर्ने

प्रधानमन्त्री केपी शर्मा ओलीले कोरोनाभाइरस (कोभिड-१९)को संक्रमणका विषयमा भइरहेको सरकारको तयारी र अन्य विषयमा शुक्रबार अपरान्ह सम्वोधन गर्ने भएका छन् ।

कोभिड-१९ले जनजीवन अस्तव्यस्त बन्दै गएका वेला प्रधानमन्त्री ओलीले अपरान्ह ५ बजे सम्बोधन गर्न लागेको बालुटार श्रोतले जानकारी दिएको हो ।

प्रधानमन्त्रीले गर्ने सम्बोधनको नेपाल टेलिभिजन र रेडियो नेपालले प्रत्यक्ष प्रसारण गर्ने भएका छन् ।